Mbrëmë emisioni Opinion të TV Klan kishte si temë, “Profili i Enver Hoxhës nëpërmjet dokumenteve sekrete!”. Si të mos ishte hera e parë ky emision vazhdon të ketë në qendër të vëmendjes së tij të ftuar kriminelë dhe spiunë të diktaturës.
Të ftuar në këtë emision mbrëmë ishin: Qemal Lame, Kryetar i Hetuesisë së Republikës Socialiste të Shqipërisë nga viti 1982 deri në vitin 1992, në vitet më të egra të dënimeve të grupeve armiqësore dhe për tentativa arratisje dhe agjitacion e propagandë. Në këto vite, në hetuesi është përdorur dhunë fizike dhe psikike ku janë qindra dëshmi deri në vitin 1990’ me grupin e Shkodrës, ku u torturuan priftërinjtë, Dom Simon Jubani, At Zef Pëllumbi, Kol Margjini, Ded Kasneci, Tonin Dema, Gjergj Livadhi, Flamur Elbasani, Nikolin Pergjini, Nikolin Thana, Paulin Palushi, Franco e Lec Pjetri, Ded Mirashi, Hysni Zeka e shumë të tjerë.
Në vend që këto persona do duhej të ishin gjykuar për krimet e bëra gjatë diktaturës e kundërta ndodh në ekranet televizve, ku ato ndër të tjera promovohen dhe u jepet hapësirë për të folur pikërisht për krimet që asnjëherë nuk janë dënuar publikisht.
Më poshtë sjellim një deklaratë të një qytetari shkodran Sokol Drrasati mbi veprimtaritë e ushtruara pikërisht nga Kryetari i Hetuesisë gjatë diktaturës, Qemal Lame:
Unë jam Sokol Drrasati. Më 23 dhjetor 1990 jam akuzuar për veprimtari armiqësore, organizim të protestave të dhunshme me qëllim rrëzimin e pushteti popullor me dhunë dhe diversion ideologjik. Dhe jam dënuar me vdekje.
Discussion about this post