Akumulimi i detyrimeve të prapambetura vazhdon trendin rritës, kryesisht për shkak të performancës së ulët të shumicës së shoqërive ujësjellës kanalizime. Sipas të dhënave të publikuara nga Ministria e Financave, rezulton se UK-të kanë çuar në mbi 14 miliardë lekë detyrimet e papaguara, me një rritje prej 2 miliardë lekësh në raport me vitin 2021.
“Për periudhën deri në Dhjetor 2022, Agjencia Kombëtare e Ujësjellës Kanalizime dhe Infrastrukturës së Mbetjeve (AKUM) pas rakordimit të të dhënave me OSHEE Group Sh.a, raporton se detyrimet e akumuluara (principal pa kamata) të ndërmarrjeve të ujësjellës-kanalizimeve rezultojnë të jenë në vlerën 14.01 miliardë Lekë kundrejt rreth 12 miliardë Lekë që ishin në fillim të vitit 2022”, thuhet në raport.
Ujësjellësi i Durrësit i zhytur në borxhe
Ndërkohë, më tutje në të dhënat e MFE tregohet se nivelin më të lartë të borxheve e regjistron ujësjellësi i Durrësit. Gati 5 miliardë leke detyrime të për paguara ka ky institucion në varësi te kryebashkiakes Emiriana Sako.
“Nga totali i detyrimeve principal pa kamata të raportuara, vetëm ndërmarrja e UK Sh.a Durrës ka 4.93 miliard Lekë detyrime të akumuluara në vite. Në tabelën e mëposhtme listohen pesë ndërmarrjet që kanë pjesën më të madhe të detyrimeve ndaj OSHEE Group Sh.a”, theksohet në raport.
Raporti tregon se këto borxhe janë akumuluar së fundmi nga shpenzimet pa kriter për investime. Në fakt investime reale nuk ka sepse edhe në këtë ditë që shkruajmë, Durrësi vazhdon të ketë probleme me ujin e pijshëm, sidomos në zonën e plazhit, lagjia 13 dhe 14. Madje në këto zona, përfshirë dhe ish- kënetën janë shuma problematike dhe ujërat e zeza.
Në fakt këto para kanë shkuar për tenderët. Në 4 vitet e fundit Emiriana Sako ka shpenzuar 25 miliardë lekë për prokurime. Këto para shkojnë në xhepat e oligarkëve përmes abuzimit të me kriteret e tenderëve dhe vetëm një pjesë e vogël shkon për investime.
Lexo edhe: Emiriana Sako i xhiron 600 milionë lekë vëllait të ish-kryebashkiakut, do pastrojë puset
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post