“Qyteti është kthyer në varrezë”, gjenden 200 trupa të pajetë në Mariupol

Bilanc i frikshëm viktimash vjen nga lufta në Ukrainë, ku 200 trupa të pajetë janë gjetur nën rrënojat e një ndërtesë në Mariupol. Lajmi është bërë i ditur nga kryetari i bashkisë së qytetit, Petro Andryushchenko. Trupat u gjetën të dekompozuara, duke shtuar se vendasit kishin refuzuar t’i grumbullonin dhe rusët gjithashtu, për shkak të erës së rëndë.

Andryushchenko shtoi se një numër i madh kufomash janë të paketuara në një morg të improvizuar në Mariupol dhe “qyteti është kthyer në një varrezë të vazhdueshme”.
Pjesa më e madhe e qytetit u shkatërrua në javë të bombardimeve të rënda ruse dhe luftimeve intensive në rrugë.