Qyteti gjerman i Göttingen do të bëhet i pari në vend që do të lejojë notin topless në pishinat e tij. Ndërsa mësohet se ky hap po ndërmerret për të arritur barazinë gjinore edhe në këto vende. Sipas mediave gjermane, një dalje e tillë në pishina do të jetë e kufizuar në fundjavë dhe do të jetë në fuqi nga 1 maji deri në fund të gushtit, njoftuan autoritetet e qytetit.
Me këtë vendim, qyteti bëhet një pararendës në shtet në lidhje me debatin për trajtimin e barabartë të gjinive, në mënyrë që ato të shfaqin bustin e tyre të zhveshur në ambientet e kohës së lirë në ujë, siç janë pishinat. Në Gjermani shumica e saunave janë të përziera, pra në to mund të jenë edhe femrat edhe meshkujt dhe kërkojnë që klientët të jenë të zhveshur për arsye higjienike. Ky vendim i autoriteteve të qytetit është motivuar nga ngjarja e ndodhur vjeshtën e kaluar në një nga pishinat.
Një roje sigurie i kërkoi dikujt , që mendonte se ishte grua, te mbulonte gjoksin. Por ai person ka refuzuar pasi identifikohet si mashkull, por asaj i është ndaluar hyrja në institucion. Ngjarja ngjalli një debat të nxehtë mes zyrtarëve të qytetit, të cilët më në fund njoftuan këtë javë hapjen e një pishine pa rroba banje për të gjithë. Megjithatë, debati për këtë temë nuk ka përfunduar. Disa shprehin keqardhje për vendimin për të aplikuar masën vetëm për fundjavë.
Discussion about this post