Arzignano është qyteti i parë në Itali pa semaforë, ku siç bëhet me dije, po zëvendësohen me rrethrrotullime. Momentalisht, vetëm një semafor është ekzistues, por ka një projekt që do të bëjë të mundur zëvendësimin e tij.
Sipas kryetares së bashkisë Alessia Bevilacqua, zëvendësimi i semaforëve me rrethrrotullime ndihmon në qarkullimin e automjeteve e njëkohësisht ul numrin e aksidenteve. Për kryetaren Bevilacqua, semaforët kanë qenë të rëndësishëm për gati një shekull, por tashmë është gjetur një tjetër zgjidhje edhe më efikase.
