Janë ndërprerë kërkimet për gjetjen e trupit të 40-vjeçarit, Aurel Ndoni i cili u mbyt në Porto Romano më 25 shkurt.
Ndoni ishte duke peshkuar së bashku me të vëllanë dhe një person tjetër, dhe dyshohet se ka rrëshqitur duke rënë në ujë, por nuk ka mundur të dalë nga deti pasi është tërhequr nga rryma.
Mësohet se është ngritur një grup i posaçëm hetimor për të zbardhur rrethanat e ngjarjes, ku pista e hetimit është shtrirë edhe deri në ndonjë konflikt të mundshëm ose vrasje, por deri më tani asnjëra prej pistave nuk është konfirmuar.
Ndërkohë që gjetja e trupit do të bënte të mundur verifikime përkatëse për shenja të mundshme dhune ose jo.
Burime pranë familjes bëjnë me dije se ata kanë paguar grup privat polumbarësh për të bërë të mundur gjetjen e trupit.
Discussion about this post