Prifti Kristaq Viso, i cili ra nga çatia e Kishës dy javë më parë, ka ndërruar jetë në spital ditën e sotme.
Prifti ortodoks ka qenë duke ndihmuar në riparimin e çatisë priftin tjetër të Kishës së Shën Triadhës në varret publike të qytetit të Korçës, kur papritur ka rënë nga lartësia e kishës në tokë, duke pësuar dëmtime të rënda trupore.
Sipas mjekëve, dëmtimet me të rënda të klerikut 62-vjeçar i kishte pësuar në kokë, ndaj për këtë mjekët e Korçës vendosën dërgimin e tij drejt spitalit të Traumës.
Lajmi për ndarjen nga jeta të priftit e ka bërë të ditur Mitropolia e Shenjtë Korçë.
Postimi i Mitropolia e Shenjtë Korçë:
Mitropolia e Shenjtë e Korçës i shpreh ngushëllime të përzemërta bashkëshortes, vajzave dhe të gjithë familjarëve dhe të afërmve! I lutemi Perëndisë, të cilit i shërbeu, që ta ndjejë dhe ta prehë shpirin e tij me shenjtorët në gjirin e Avramit në Mbretërinë e Qiejve!
Qoftë e lumur udha në të cilën shkon ti sot, se të është përgatitur vendi i prehjes lart në qiell, paraisë të mbarë o vëllai ynë i lumur dhe i gjithmonë kujtuar!
Discussion about this post