Sipas Policisë së Tiranës është arrestuar shtetasi D. H. 48 vjeç, i cili është pronari i banesës, ku ditën e djeshme ka rënë nga çatia shtetasi R. F. 43 vjeç, i cili si pasojë e plagëve të marra ka ndërruar jetë.
Njoftimi i Policisë:
Specialistët për Hetimin e Krimeve të Komisariatit të Policisë Nr. 1 arrestuan shtetasin D. H., 48 vjeç, banues në Tiranë. Ditën e djeshme, në rrugën “Agush Gjergjevica”, duke punuar në banesën e 48-vjeçarit, ka rënë nga çatia shtetasi R. F., 43 vjeç, i cili si pasojë e plagëve të marra ka ndërruar jetë. Pas verifikimeve të kryera ka rezultuar se 48-vjeçari nuk kishte leje nga organet përkatëse për kryerjen e punimeve.
Discussion about this post