Të tjera detaje janë zbardhur nga ngjarja e ndodhur pasditen e sotme në Durrës, ku një 40-vjeçar, ka rënë nga kati i 9-të i një pallati 12 katësh, duke humbur jetën. Viktima është identifikuar si Ilir Myshketa, banor i lagjes nr 1 në qytetin bregdetar.
Baba i dy fëmijëve, Myshketa ka rënë nga kati i 9 duke përfunduar në tarracën e katit të 2-të të pallatit, pa asnjë mundësi shpëtimi. Dyshimet e para janë se viktima është vetëhedhur, ndërsa policia ka nisur hetimet për ngjarjen e rëndë.
Nga raportimet mësohet se kjo është tragjedia e dytë në këtë familje, pasi kohë më parë edhe e motra ka ndërruar jetë në të njejtën formë, duke kryer aktin e rëndë të vetëvrasjes.
Njoftimi i Policisë:
Durrës/Informacion paraprak
Në lagjen nr. 1 Durrës, dyshohet se ka rënë aksidentalisht nga kati i nëntë i pallatit ku banonte, shtetasi I. M., rreth 40 vjeç, i cili si pasojë ka humbur jetën.
Grupi hetimor ndodhet në vendngjarje dhe vijon punën për sqarimin e rrethanave dhe dokumentimin e plotë ligjor të kësaj ngjarjeje.
Discussion about this post