Një ngjarje e rëndë ka ndodhur në qytetin bregdetar të Sarandës, ku një 63-vjeçar humbi jetën pasi ra nga pallati ku punonte si roje.
Policia njofton se ngjarja ndodhi rreth orës 10:45, në lagjen nr.2, Sarandë. Dyshohet se Hasan Imeri është rrëzuar aksidentalisht nga kati i 15-të në katin e 14-të një pallati ku punonte si roje dhe si pasojë ka ndërruar jetë. Ai është transportuar në spital, ku ka mbërritur i pajetë.
Policia ka shoqëruar administratorin e pallatit, megjithëse mësohet se nuk po kryheshin punime.
Ngjarje të tilla, ku një person humb jetën në vendin e punës janë mjaft të shpeshta në vendin tonë, si pasojë e mungesës se kushteve të duhura dhe neglizhencës së instancave përgjegjëse.
