Ra nga skela/ Humb jetën punëtori shqiptar në Greqi

Ditën e sotme, një 60-vjeçar shqiptar ka humbur jetën në Greqi.

Sipas raportimeve nga mediat helene, shqiptari ndërroi jetë pasi pësoi dëmtime të rënda në trup në një incident që pësoi gjatë punimeve që po kryente në një soletë në zonën e Achaias.

Emigranti shqiptar ra nga skela teksa po rregullonte soletën në një banesë të zonës.

Menjëherë ai u transportua në spital, por për fat të keq nuk ia doli.

60-vjeçari ndërroi jetë në spital pavarësisht ndihmës mjekësore që i dhanë mjekët, shkruan protothema.gr, pa bërë të ditura gjeneralitetet e viktimës.