Ra nga skelat e kantierit ku po punonte, humb jetën në vend 30-vjeçari shqiptar në Itali

Një punëtor 30- vjeçar me origjinë shqiptare ka humbur jetën pasi ka rënë rreth dhjetë metra nga skelat e një kantieri në San Severino, Itali.

Punonjësit shëndetësorë kanë ndërhyrë për t’i dhënë ndihmën e shpejtë, por i riu kishte gjetur vdekjen e menjëhershme.

Nuk dihen ende rrethanat e aksidentit, por dyshohet se i riu mund të ketë humbur ekuilibrin ndërsa lëvizte mbi strukturë.

Policia po heton për të rindërtuar dinamikën dhe shkaqet.

gijotina.com/