Drejtori i Postës së Lezhës, Pjerin Çuku ra dje pre e dhunës nga dy persona. Ndërkohë në një deklaratë, ai ka mohuar faktin se mund të ketë konflikte me njeri. I pyetur nga grupi hetimor, Çuku nuk ka dhënë asnjë indicie se kush mund ta ketë kryer këtë akt.
Mirëpo, Çuku ka deklaruar se arsyeja e goditjeve me grushta ndaj tij ditën e djeshme lidhet me zhvillime politike.
“Nuk kam konflikte, por mendoj se ngjarje mund të ketë ndodhur për shkak detyres dhe që lidhen me politiken”- mësohet të ketë thënë Çuku gjatë dëshmisë në polici.
Policia nuk e përjashton mundësinë që ngjarje të ketë ndodhur për çështje përonale, që nuk kanë lidhje me funksionin e Çukut. Agresoret kanë qenë dy të rinjë të cilët e kanë goditur disa herë me grushta, 42-vjeçarin Pjerin Çuku e më pas janë larguar me vrap.
42-vjeçari, pësoi fraktura në kokë dhe u dërgua me urgjence për ndihmë mjekësore në spitalin rajonal të Lezhës. Ky është rasti i dytë në harkun kohor të më pak se 1 muaj i dhunimit të drejtuesve të institucioneve në Lezhë. Me 30 nëntor u sulmua dhe u godit me sende të forta, Drejtori i OSHEE Edmir Përndreca teksa po lëvizte në rrugen Lezhë-Shënkoll.
Discussion about this post