Ministri i Punëve të Brendshme të Shqipërisë, Taulant Balla së bashku me ministrin e Punëve të Brendshme të Kosovës, Xhelal Zveçla, kanë vizatuar pikën e përbashkët të kalimit kufitar Vermicë-Morinë.
Ministri i Punëve të Brendshme të Shqipërisë, Taulant Balla tha se në takim kanë biseduar se si të gjendet një zgjidhje lidhur me sigurimin që bëjnë mërgimtarët në këtë pikë kufitare, me ç’rast po krijohen kolona, transmeton Telegrafi.
“Është gjë e mirë që ka shkëmbim të madh mes dy anëve të kufirit. Arsyeja e këtij takimi ka qenë një kërkesë e imja, kemi shumë marrëveshje të firmosura që duhet zbatohen, por konkretisht ka një rritje të numrit të mërgimtarëve dhe udhëtarë të cilët udhëtojnë nga Shqipëria në Kosovë dhe për shkak se duhet të pajisen me sigurim kjo merr kohë të caktuar, dhe shqetësimi im është që sa kohë mërgimtarët bëjnë më orë të vijnë dhe prapë presin në kufi. Duhet gjetur një mundësi që sigurimi mos të bëhet në kufi”, tha ai.
Balla u shpreh i bindur se ministri i punëve të Brendshme të Kosovës, Xhelal Sveçla do të gjejë një zgjidhje.
Ndërkaq, ministri Sveçla para mediave theksoi se do të gjejnë një zgjidhje që mërgimtarëve do të ju ndihmojë.
“Kemi shumë marrëveshje të nënshkruara, po punojmë që marrëveshjet të implementohen. Nuk kemi shtetas të Kosovës dhe Shqipërisë që presin në radhë, problem është me mërgimtarët që vijnë për pushime, ne kemi vullnetin më të mirë që mërgatave tona të ju shërbejmë shpejtë. Po mendojmë disa variante se si të kalojmë këto vështirësi”, deklaroi ai para mediave.
Discussion about this post