Radioja e gjetur në tokë, alarmoi policinë, dyshohej për bombë

Zona e “Brrylit” në Tiranë është rrethuar mëngjesin e së premtes nga forcat e shumta të policisë pas gjetjes së një sendi të dyshimtë. Policia bën të ditur se është gjetur një send në dukje si radio që përdoret nga shoqëritë private dhe sigurimi fizik i objekteve, i mbështjellë me izolant. Pikërisht ky objekt ka ngritur në këmbë policinë duke menduar se është një bombë artizanale,.

“Më datë 05.11.2021, në rrugën “Martin Canaj”, në trotuar, është gjetur një send i dyshimtë në dukje si radio, që përdoret nga shoqëritë private të ruajtjes dhe sigurimit fizik të objekteve.
Shërbimet e Policisë të Komisariatit Nr.4 kanë vendosur perimetrin e sigurisë në zonën ku ndodhet sendi i dyshimtë dhe priten të mbërrijnë në vendngjarje ekspertët antieksploziv të RENEA-s”- thuhet në njoftimin e policisë.

Kanë qenë fillimisht banorët e zonës që kanë njoftuar policinë për çantën e dyshimtë dhe menjëherë forcat e Komisariatit numër 1 kanë shkuar në vend.