Adnan Januzaj, sulmuesi me origjinë shqiptare i Real Sociedad, ishte një tjetër nga emrat që u shfaq në takimin e mbajtur të hënën e kaluar nga presidenti i Barçës, Joan Laporta dhe agjenti i futbollistëve Mino Raiola, të cilët përveç Haaland, Pogba dhe De Ligt, ndër të tjerë, përfaqeson edhe Januzajn.
Profili i tij përputhet me atë të lojtarëve që Barça po ndjek, duke qenë se sulmuesi belg përfundon kontratën me Realin më 30 qershor.
Nga ana tjetër prioriteti i Real Sociedad është rinovimi i Januzajt, 26 vjeç. Në fakt, së fundmi presidenti i ekipit të San Sebastian, për rinovimin e Januzajt tha: “donim të kishim një takim të sinqertë dhe e kemi pasur. Shpresoj se ai mund të qëndrojë. Unë nuk mendoj se ai është takuar me Barcelonën. Ai ka një ofertë dhe nëse e pranon do të qëndrojë në La Real”, ka shpjeguar ai.
Ndryshe, nëse sulmuesi vendos të mos vazhdojë, skuadra nuk e përjashton mundësinë e një transferimi në këtë merkato dimërore për të futur ndonjë shumë ekonomike për të dhe për të mos parë se si largohet falas në verë./K.T/Gijotina.com
Discussion about this post