Disa rajone të Italisë kanë shpallur gjendje emergjence për shkak të thatësirës. Dhe ish pikërisht harxhimi i ujit pa kriter, që kapi “mat” shqiptarin, i cili kishte mbjellë 280 bimë kanabisi në pjesën e pasme të një shtëpie të braktisur në zonën e Agognate-s.
Ai kishte shtrirë tubin me të cilin dhe merrte ujin nën autostradën Milano-Torino e që vazhdonte më tej deri në shtëpinë e braktisur të cilën ai e përdorte për mbjelljen e bimës.
42-vjeçari u kap nga forcat e policisë dhe iu sekuestruan në cilësinë e provës materiale bimët kanabis si dhe 20 kg marihuanë të cilën dhe e kishte ambalazhuar dhe bërë gati për shitje si dhe 2 çadra kampingu.
Policia ka shpallur dhe një person tjetër në kërkim pasi sipas mediave italiane 42-vjeçari ishte ai që kujdesej për bimët dhe kultivimin e tyre ndërkohë që pronar i parcelës mund të jetë një tjetër për të cilin Policia thotë se po punon për identifikimin e tij.
Discussion about this post