“Raketa” e kombëtares nuk ia del, largohet nga grumbullimi

Odise Roshi nuk ka  dalë të rikuperohet në kohë për ndeshjen ndaj Izraelit, me sulmuesin që është detyruar të lërë grumbullimin e kombëtares.

Një dëmtim i ka prishur planet e fierakut për të qenë nënurdhrat e Edy Rejës, pavarësisht se stafi bëri maksimumin për të qenë gati për duelin e të premtes.

Ndërkohë mungesa e tij pritet të mos jetë problem për Rejën, pasi për sfidën ndaj Izraelit do të ketë në dispozicion Armando Brojën, i bashkuar ditën e djeshme me ekipin dhe Myrto Uzunin, që ka kaluar dëmtimin.