Dy raketa u hodhën nga Libani jugor drejt Izraelit të enjten, duke shkaktuar sulme ndërkufitare nga ushtria izraelite, thanë burimet nga të dyja palët.
Sipas mediave të huaja, incidenti erdhi mes tensioneve të rritura izraelito-arabe pasi Izraeli këtë javë kreu një nga inkursionet e tij më të mëdha ushtarake në dekada në Bregun Perëndimor të pushtuar, duke synuar kampin Jenin, një bastion i militantëve palestinezë.
Siç thuhet më tej, tri burime sigurie në Liban thanë se dy raketa u hodhën drejt Izraelit, njëra prej tyre ra në territorin libanez dhe e dyta pranë një zone të diskutueshme në kufi.
Pasi fillimisht tha se nuk kishte indikacione për ndonjë incident të pazakontë në anën e saj të kufirit, ushtria izraelite tha se një predhë kishte shpërthyer atje.
Megjithatë, nuk u raportua për ndonjë dëm.
“Si përgjigje, IDF (Forcat e Mbrojtjes së Izraelit) aktualisht po godet zonën nga e cila u krye nisja në territorin libanez”, thuhet në një deklaratë ushtarake.
Discussion about this post