Kryetari i Partisë Socialiste, Edi Rama ndodhet këtë të enjte në Kamzë për të kërkuar votën për kandidatin Rakip Suli në zgjedhjet vendore të 14 majit.
Pasi në daljet e mëparshme Rama e ka quajtur Sulin gomar, edhe sot nuk i ka ndalur batuat ndaj tij.
“E vërteta është që Rakipi është I vetmi orator që unë kam zili. Sepse është I vetmi që flet më gjatë se unë. Por përtej shakas do të doja të thosha disa fjalë dhe me lejen e ccunave atje…Do doja që të thosha disa fjalë që… Besoj që vlejnë jo vetëm për Kamzën, por besoj se vlejnë shumë më tepër për shumë të tjerë. Besoj që çuna si ju s’kanë aq buxhet sa Rakipi. Besoj që … A do i flasësh atyre aty…”, tha Rama.
Sa i përket mbështetësve që brohorisnin për Rakip Sulin, Rama thotë se është votues në Tiranë, jo në Kamëz. Më pas ftoi njërin prej tyre që të brohorasë me mikrofon para të gjithëve.
“Ato duan të më mushin mëndjen të votoj për Rakipin, unë jam në Tironë votues jo në Kamëz. Dua të them disa gjëra, e përsëris, jo për ju, as për ata që ndryshimin e Kamëz e kanë parë dhe prekur për ditë. Por për shmë të tjerë, që duhet të shohin të e të kuptojnë diçka thelbësore që është kuptuar katërcipërisht në Kamëz. Flas për vlerën e votës. Kamza është drejtuar nga të tjerët qysh nga viti 1992, deri në vitin 2019 kur Bashkia e Kamzës nuk pati garë sepse ata u tërhoqën dhe bashkinë e Kamzës filluam ta drejtojmë ne me Rakipin. Hajde bërtit këtu me mua, hajde… Hajde të keqen vëllai.. Merre mikrofonin e bërtit…Ulu e mos bërtit më tani..”, tha Rama.
Kryebashkiaku i Kamzës Rakip Suli mesa duket i ngazëllyer nga prania e kryeministrit i është ulur në gjunjë Ramës.
“ 30 vite qytetarët e Kamzës për fëmijët e tyre nuk kanë pasur një kokë për standarde siç e meritojnë. A do ishte e mundur pas mbështetjen e jashtëzakonshme të kryeministrit Edi Rama, Njëra dorë lan tjetrën, të dyja lajnë fytyrën. Nder dhe privilegj që Kamza sot ka dhe deputetet kryetaren e parlamentit. Të dy bashkë jemi si shqiponja me dy kokë”, u shpreh ai.
Discussion about this post