Rakip Suli, kryetari i Bashkisë Kamëz, se propaganda të mban të sigurt karrigen edhe përballë të palarave që mund të denoncohen në SPAK. Çdo javë denoncojmë përvetësimet që bëhen në këtë bashki me fondet e punëve publike si ato të shtrimit e riparimit të rrugicave. Nga ana tjetër, Kamza vazhdon të jetë i pasistemuar, ku vetëm në rrugët kryesore të prek këmba asfalt.
Kryetari Suli ka vazhduar së fundmi me abuzimin e radhës. Këto ditë ësshtë mbyllur tenderi me objekt “Ndërtim Rrugët “Dyseldorf+Bujari+Prishtina+Rruga pingul me Europeni+Dea+Rruga te Colis+ Hirësia””, me fond limit 642 milionë lekë.
Në tenderin e përfunduar më datë 8 nëntor 2023, kanë shfaqur interes 15 kompani. Me kaq shumë oferta dhe me këtë fond marramendës prisnim një prokurim të rregullt. Por Open Data Albania e ka shënuar me tenderin me “Flamur të kuq” duke dhënë alarmin se ka risk korrupsioni. Kryetari i ka skualifikuar që në fillim 14 firma që në fazën e parë. Kështu, komisioni la të vlefshme vetëm ofertën e bashkimit të operatorëve “ASI-2A CO” shpk & “VARAKU E” shpk, me vlerë rreth 500 milionë lekë. Ata e përfituan këtë tender pa garë fare.
Ndërkohë, shohim se pronarët e dy firmave janë Astrit Gjikondaj dhe Shpëtim Varaku, të cilët konsiderohen si “Grupi i Rakip Sulit”, për faktin se gjithmonë futen bashkë në aferat e Kamzës dhe kryetari iu siguron marrjen e fondeve pa garë. I vetmi qëllim i përbashkët është përfitimi nga taksat e qytetarëve.
Varaku gjithashtu, ka miqësi mjaft të mirë edhe me Emiriana Sakon, kryebashkiaken e Durrësit, e cila në 3 vite i ka dhuruar 2.1 miliardë lekë tenderë pa garë.
Ndërkoh
ë ASI-2A CO shpk ka ecur me hapa më të mëdha dhe në 3 vite ka marrë nga buxheti i shtetit 6.4 miliardë lekë vetëm nëpër tendera, ku pjesa më e madhe janë nënshkruar me shkelje ligjore.
Sakaq, duhet theksuar se të dyja kompanitë gëzojnë një sërë tenderësh me “Red Flag” nga bashkia Kamëz dhe prej kohësh kjo është një kambanë alarmi edhe për SPAK.
Kryebashkiaku Suli është nën hetim nga SPAK, ku është thirrur disa herë vetëm këtë javë. Këtë të mërkurë, Suli përveç paraqitjes së dokumenteve lidhur me disa procedura të kryera nga Bashkia Kamëz për banesat sociale dhe akomodimit të familjeve të dëmtuara nga tërmeti në 2019, ka dhënë sqarime edhe për prokurimet e denoncuara nga media për pastrimin e qytetit.
Më konkretisht, Prokuroria po kryen hetimet ndaj Sulit dhe zyrtarëve të tjerë për disa vepra penale, siç janë “Ushtrim i ndikimit të paligjshëm ndaj personave që ushtrojnë funksione publike”, “Shpërdorimi i detyrës”, “Shkelja e barazisë së pjesëmarrësve në tendera apo ankande publike” dhe “Korrupsioni pasiv i personave që ushtrojnë funksione publike.
Në kudër të këtyre hetimeve agjentë të Byrosë Kombëtare të Hetimit kanë sekuestruar disa dokumente në bashkinë Kamëz, por edhe procedura të tenderit për pastrimin e qytetit.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post