Ndërsa merret me fushatën, kryebashkiaku i Kamzës, Rakip Suli, kujdeset edhe që të zhvillojë ndonjë tender. I duhet të fitojë ca para, që t’i përdorë për mitingjet! Me datë 5 maj 2023, Suli ka mbyllur garën për një tender që kushton 56 milionë lekë që ka objekt furnizimin me naftë.
Bëhet fjalë për tenderin “Blerje Karburanti (Gazoil)”. Që në shqyrtimet e para të këtij tenderi shihet se është dhënë në shkelje flagrante të ligjit. Në nisje kanë paraqitur ofertat e tyre firma EUROPETROL DURRES ALBANIA SH.A dhe bashkimi i operatorëve BOE O L S I shpk & B O L V-O I L SHA.
Oferta e këtyre dy operatorëve është skualifikuar në fazën e parë. Kështu, në garë mbeti vetëm firma EUROPETROL DURRES ALBANIA SH.A (EiDA), në pronësi të Frident Kuqit, biznesmenit të njohur për aferat në tregun e naftës.
Firma e tij paraqiti ofertën me vlerë 52 milionë lekë, pra sa 96% e fondit limit. Çka përbën një tjetër shkelje. Kujtojmë se kryebashkiaku Suli këto dy rregulla kryesor nuk i respekton në prokurime. Gjatë mandatit të tij janë regjistruar mbi 40 tenderë me “Flamur të kuq”. Kështu zhduken miliona lekë nga fondet dhe shërbimet nuk janë cilësore.
Për shkak të këtyre abuzimeve, edhe ky tender i Sulit iu shtohet tenderëve të tjerë pa garë të zhvilluar nga Bashkia Kamzë, të cilët mbajnë flamurin e kuq si shenjë alarmi për korrupsion me fondet e prokuruara.
Fituesi, oligark karburantesh
Sikur cituam pak më lart Frident Kuqi njihet për aferat e mëdha në fushën e karburanteve, me firmën e tij “Elda”. Bosi i naftës, Frident Kuqi, i cili dikur ankohej për “njeriun e mafies italiane” Rezart Taçin se monopolizonte tregun e naftës, është monitoruar për lidhje të dyshimta me personazhe që lëvizin fijet e oligarkëve rusë në Shqipëri, pjesë e listës së zezë së Shteteve të Bashkuara të Amerikës. Me rënien e Taçit, Kuqi arriti të fuste duart në rafineritë e ARMO, si dhe të zgjaste fijet klienteliste me segmentet e Rilindjes.
Sakaq, kujtojmë se ai gjithmonë ka cenuar tregun duke e shitur naftën me çmim më të shtrenjtë. Madje kompania e tij ishte e para që nisi rritjen e çmimit të naftës në vitit 2022 me 239 lekë për litër. Vetëm disa qindra metra larg prokurorisë dhe Autoritetit të Konkurrencës , “Eida” e shiste një litër benzinë 239 nga 180 lekë që ishte.
Epo oligarkët e naftës janë ata që vendosin vet çmimet e karburanteve, ndërsa Bordi i Transparencës u vërtetua që është fiktiv.
Lexo edhe: Tenderi për arnim rrugicash/ Rakip Suli i fal Shpresa Nikës 325 MLN Lekë pa garë
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post