Rakip Suli , kryebashkiaku i Kamzës, pritet që këtë të mërkurë të paraqitet në Prokurorinë e Posaçme. Struktura Antikorrupsion, i ka dërguar atij fletë-thirrjen dhe këtë te mërkurë ai pritet të japë deklarimet e tij për hetimet që SPAK po kryen për bashkinë Kamëz.
SPAK po kryen hetime ndaj kryebashkiakut dhe zyrtarëve të bashkisë, për veprat “Ushtrim i ndikimit të paligjshëm ndaj personave që ushtrojnë funksione publike”, “Shpërdorimi i detyrës”, “Shkelja e barazisë së pjesëmarrësve në tendera apo ankande publike” dhe “Korrupsioni pasiv i personave që ushtrojnë funksione publike”.
Burime bëjnë me dije se SPAK po kryen hetime për zyrtarë të bashkisë Kamëz, lidhur tendera të pastrimit të qytetit dhe dëmshpërblimet për tërmetin. Burime bëjnë me dije se pas kallëzimeve të mbërritura në strukturën antikorrupsion, ky institucion ka regjistruar procedim penal, ndërsa hetimet po kryehen nga prokurori Elvin Gokaj. Mësohet se për kete çështje kanë thirrur dhe janë marrë në pyetje disa zyrtarë te këtij institucioni.
Mësohet se në ditët në vijim fletë-thirrje për tu marrë në pyetje Prokuroria e Posacme do i dërgojë edhe kryebashkiakut aktual Rakip Suli. Referuar kallëzimit mësohet se hetimet po kryhen pasi ka dyshime se disa persona kanë marrë dëmshpërblim për pasojet e tërmetit dy herë për të njëjtin objekt. Në kuadër te ketyre hetimeve agjentë të Byrosë Kombëtare të Hetimit kanë sekuestruar disa dokumente në bashkinë Kamëz, por edhe procedura të tenderit për pastrimin e qytetit.
Discussion about this post