Kryeministri Edi Rama caktoi ditën e sotme si delegat të PS në Vorë, Orlando Rakipin. Ky i fundit ishte deputeti që theu herësin më 25 prill dhe pse ishte i renditur i 30-ti në listën e Tiranës, duke arritur të marrë mandatin e deputetit.
Kryeministri i besoi këtë detyrë të rëndësishme, por në media prej ditësh po qrakullojnë lajme se Orlando Rakipi do të shpallet “non grata” në SHBA. I riu, i cili ishte një emër i panjohur në skenën politike deri më 25 prill është djali i ish-deputetit Aqif Rakipi.
Gijotina.com ka mësuar ditë më parë 15 emrat që do të shpallen “non-grata” nga SHBA, ku njëri prej tyre është edhe Orlando Rakipi.
Ornaldos do t’i ndalohet hyrja në SHBA prej babait të tij. Sipas “Albanian Post”, ish-deputeti Aqif Rakipi do të shpallet “non grata” dhe rrjedhimisht hyrja në Shtetet e Bashkuara do t’i ndalohet dhe familjes së tij.
Aqif Rakipi, ish deputeti i PDIU-së që kaloi më pas me PS iu hoq mandati për shkak të ligjit të dekriminalizmit. E teksa pritet një “non grata”, Rama i beson Orlando Rakipit Vorën. Ky i fundit ka qenë një figurë e sulmuar për shkak të mungesës së kontributit në politikë dhe babait të tij.
