Sharje dhe akuza janë duke u shkëmbyer në parlament, teksa Edi Rama ka pasur edhe një debat të ashpër me Flutura Açkën.
Rama i tha Açkës, sesi do të reagonte ajo, nëse dikush do e akuzonte pa prova se merret me prostitucion.
Rama: Nëse do t’ju thosha që ju keni bërë prostitucion në Hollandë, do të ruanit qetësinë ju? Nuk besoj, ju do të iknit nga mendja, do të thoshit gjërat më të fundit. Dhe me të drejtë, se unë duhet të kem prova kur them që je marrë me prostitucion në Hollandë, ndryshe s’e bëj dot. Si e pranoni ju këtë gjë, kur ju flisni për bullizmin e për libra. Si ju duket ju kur del ai e u flet grave në atë mënyrë. Çfarë janë këto? Të ruash qetësinë me këto? Si mund ta bësh me këtë gjë. Unë s’kam as dekorata, kam një certifikatë bojaxhiu, kaq, as bachelor, as master, as doktoraturë. E njoh Shqipërinë për arsye të detyrës. Ju kam thënë që do përfundonit më keq. Ju kujtoni se shqiptarët janë budallenj dhe tërhiqeni për hunde. Për vulëhumur s’e kam me ju, por ata atje në fund. Vula u duhet ca të tjerëve që s;bëjnë punë tjetër. Më mirëkuptoni kur them ato fjalë, në momentin që ai më thotë ‘mafioz’, ‘kriminel’. Nuk mund të ngre pyetjen nëse ai në fund atje, është idiot apo jo, kur ai thotë je offshore. Sepse nëse do të isha offshore, do të isha para drejtësisë.
Discussion about this post