Nënkryetarja e PD Jorida Tabaku iu përgjigj sot akuzave të kryeministrit Edi Rama i cili akuzoi opozitën për publikimin e të dhënave. Ajo tha se pas 9 vitesh opozitë ky nuk është më justifikim, duke e quajtur një strategji të Ramës akuzat për opozitën. Tabaku tregoi gjatë një interviste televizive se PD po bën gati një padi për skandalin e publikimit të pagave.
“Është bërë normale që për çdo faj problem korrupsion aferë ta ketë fajin PD. Pas 9 vitesh opozitë ky nuk është më justifikim. Ky skandal lidhet me patronazhistët. Tani janë publikuar dhe targat. Këto janë bërë për t’i vendosur këto të dhëna në funksion të zgjedhjeve.
Di që zoti Alibeaj është duke punuar për këtë dhe sigurisht që do ngrihen dhe padi. Elementi i parë te pagat lidhet me pagat e koncesioneve, koncesionarët kanë paga dyfish sa çdo person tjetër në provat. Ky është alarm i jashtëzakonshëm, që ata të kenë paga më të larta se çdo punonjës tjetër i sektorit privat. Publikimi i të dhënave shkakton pakënaqësi edhe në sektorin privat. Ka vetëm një përgjegjës për këtë dhe ai është Edi Rama”, tha ajo. Tabaku shtoi se Rama këtë herë nuk mund të fshihet duke fajësuar të tjerët.
Discussion about this post