Kryeministri Edi Rama ka akuzuar mediat se po dezinformojnë qëllimisht qytetarët dhe se kërkojnë favore të jashtëligjshme, pas lajmeve që qarkulluan ditën e djeshme në media pas deklaratës së një ish-efektivi të forcave të rendit, i cili u shpreh se çdo ditë 7 punonjës largohen nga Policia.
Në një postim në Twitter Rama iu përgjigjet akuzave të largimit të shqiptarëve nga vendi dhe se banorët, të cilëve iu shemben shtëpitë nga tërmeti nuk kanë marrë akoma banesat e premtuara.
Rama shtoi se përveç medias që dezinformon dhe kundërshtarët e tij politikë janë përditë të tërbuar dhe të dëshpëruar.
“700 mijë shqiptarë kanë ikur 12 vitet e fundit”•“7 punonjës në ditë ikin nga policia”•”Tre vite pas tërmetit s’kanë shtëpi”.Këta janë tituj lajmesh të rreme në ekrane private kombëtare që kanë një mision: Dizinformim e nxitje kundër qeverisë!Arsyeja? Duan favore të paligjshme!
— Edi Rama (@ediramaal) October 30, 2022
“700 mijë shqiptarë kanë ikur 12 vitet e fundit. 7 punonjës në ditë ikin nga policia. Tre vite pas tërmetit s’kanë shtëpi. Këta janë tituj lajmesh të rreme në ekrane private kombëtare që kanë një mision: Dizinformim e nxitje kundër qeverisë! Arsyeja? Duan favore të paligjshme”, shkruan Rama.
Discussion about this post