Kryeministri i Shqipërisë Edi Rama më në fund është dorëzuar tek vasali i tij Recep Taip Erdogan sa i përket mbylljes së kolegjeve turke, këtë verë një nga kopshtet më të mirë në vend dhe më jetë gjatë sa u përket atyre jo publik “Zubeyde Hanim” do të mbyllet me urdhër të Ministrisë së Arsimit.
Burime jo zyrtare për Gijotina.com bëjnë me dije së qeveria shqiptare nuk do të mbetët vetëm tek kopshtet por shumë shpejt do të njoftojë edhe mbylljen e gjithë rrjetit të kolegjeve turke që dyshohet se kanë lidhje me dijetarin Fethullah Gulen.
Kjo ka qenë një kërkesë e vazhdushme e Erdogan i cili lëvizjen “Hizmet” e ka shpallur prej kohësh si organizatë terroriste, madje i akuzon edhe për ‘puçin’ e shtetit sipas Erdogan që ndodhi disa kohë më parë në Turqi.
Edhe pse mediat botërore në atë kohë shpreheshin se ishte diçka e inskenuar nga vetë Erdogan.
Që pas prishjes së relatave me Gulen, Erdogan nisi mbylljen masive të shkollave që financoheshin nga kjo lëvizje dhe burgosi mijëra mësues dhe akademikë në Turqi.
Ai shpesh ka kërkuar që këto shkolla të mbyllen edhe në Shqipëri, por deri më tani akoma nuk kishte asgjë konkrete edhe pse kërcënimi ishte gjithmonë i pranishëm.
Përmes një deklarate për mediat, ky kopësht akuzon drejtpërdrejt institucionet, ku vë në pikëpyetje ligjmërinë e këtij vendim, teksa theksojnë se mund të ketë ndodhur nën presione të ndryshme, pa përmendur se nga kush.
Kopështi jopublik “Zubeyde Hanim” bën me dije se ka depozituar në Gjykatën Administrative të Shkallës së Parë Tiranë dokumentacionin për anulimin e këtij dhe se kanë vënë në dijeni të gjitha institucionet shqiptare dhe të huaja.
Mbyllja është bërë me arsyetimin e shkeljes së rëndë të licencës, pasi sipas Ministrisë së Arsimit, godina ku ushtrohej aktiviteti nuk ishte pajisur me autorizimin përkatës nga ministria.
Prej vitesh Turqia kërkon mbylljen e shkollave të Gylen në Shqipëri, madje duke prezantuar në vend rrjetin e shkollave Maarif, që mbështeten nga Erdogan. Ky i fundit dyshohet se qëndron pas shtyrjes së vazhdueshme të hapjes së Xhamisë së Namazgjasë, pasi akuzon se në krye të Komunitetit Mysliman Shqiptar janë mbështetësit e Gylenit.
Reagimi i plotë në dokumentin e mëposhtëm:
Discussion about this post