Gjatë fjalës së tij në konferencën përmbyllëse pas Kongresit të PS-së, kryeministri Edi Rama ka bërë një deklaratë të papritur ndaj SPAK në kontekstin e sulmit. Ai u shpreh se është shumë e çuditshme burgosja e një gruaje për një arkë peshk, ndërkohë që sipas tij, të vdekurit dhe të vrarët nga politikanë që kanë emra e mbiemra thotë Rama, rrotullohen në varr në kërkim të drejtësisë.
“Epo kthehem tani tek ajo burg për një arkë peshk, për një punësim që edhe nuk u bë, çfarë dreqin bëhet kështu ndërkohë që janë me dhjetëra e dhjetëra të vdekurit nga politikanët që kanë emër dhe mbiemra që rrotullohen ende në varr në kërkim të drejtësisë pa llogaritur vjedhje kolosale që tani vetëm SPAK nuk i di. Burgoset një grua për 10 kile peshk dhe çudia e çudive është se ndërkohe që SPAK vihet në lëvizje edhe nga një deklaratë partie, kuptohet e partive të tjera, për këdo zyrat sot, akoma nuk është vënë në lëvizje nga deklarata më e rëndë që është bërë zyrtarisht në 30 vjet”, tha ai.
Discussion about this post