Rama bën ndryshime në qeveri, largohet nga detyra zëvendësministri

Kryeministri Edi Rama ka bërë ndryshime në kabinetin qeveritar ditën e sotme. Bëhet me dije se është larguar nga detyra Agron Taren. Në shkresën zyrtare thuhet se Tare ka mbajtur detyrën e zëvendës ministrit për Europën dhe Punët e Jashtme. “Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave”, thekson vendimi.

Mësohet se vendimi hyn në fuqi menjëherë, teksa ende nuk është njoftuar se kush do të emërohet në vendin e tij. Gjithashtu nuk ka asnjë reagim publik nga Tare mbi arsyet e largimit nga detyra, apo nëse ai vetë ka kërkuar dorëheqje.