Gjatë vizitës së tij në Gjermani, kryeministri Rama është përfshirë në një situatë skandaloze dhe është shoqëruar nga policia gjermane. Gjithçka ka ndodhur në bordin e avionit të Lufthansa, ku Rama nuk ka pranuar të vendosë maskën anti-covid. Der Spiegel raporton se pasagjerët që kanë qenë dëshmitarë të ngjarjes, rrëfejnë se kreu i qeverisë refuzoi me forcë mbajtjen e maskës mbrojtëse saqë ekuipazhi është detyruar të thërrasë kapitenin për ndihmë. Megjithatë, duke qenë se ai gjithashtu nuk ishte në gjendje të bindte kreun e qeverisë shqiptare për të mbajtur maskën FFP2, ndërhyri policia federale dhe bëri shoqërimin e kryeministrit shqiptar.
Vetëm pas një takimi me një punonjës të Ministrisë së Jashtme Federale, Rama më në fund pranoi të zbatonte rregulloren e parashikuar, si të gjithë pasagjerët e tjerë në bordin e Lufthansa. Linja ajrore u detyrua që ta kalonte kryeministrin Rama dhe delegacionin e tij prej dhjetë anëtarësh në një tjetër avion. Pavarësisht shkeljes, Dosja.al ka mësuar se kryeministri Rama nuk është gjobitur nga autoritetet gjermane. Vetë shefi i linjës ajrore edhe pse nuk e përmendi emrin e Ramës, theksoi se nuk kishte asnjë trajtim preferencial kur bëhej fjalë për vendosjen e maskës, as nëse bëhet fjalë për një kryetar qeverie.
Discussion about this post