Pasi rilindi Partinë Socialiste, Kryeministri Edi Rama po mendon të rilindë edhe të djathtën. Këtë të paktën ka shprehur në një takim me socialistët e rilindur të Lezhës, gjatë një turi falenderimi, në kuadrin e fitores së Bashkive në zgjedhjet e 14 majit.
Por për të rilindur të djathtën, sikundër u shpreh Rama, e ndihmuan shqiptarët e ndershëm, që nuk e shohin me sy të majtën, por që në zgjedhjet e fundit nuk morën pjesë në zgjedhje.
“Braktisja që i ka ndodhur atyre të tjerëve nga të djathtët e ndershëm, nga ata që e vuajnë sinqerisht çështjen e së djathtës dhe që ne nuk na njohin me sy është shërbim i madh për Shqipërinë dhe vetë të djathtën. Duke i shkuar mbrapa deri në humnerë atyre që e mbajnë flamurin e së djathtës dhe që nuk duhet ta mbajnë atë flamur thjesht shtyhet agonia. Duke i braktisur ndihmohet edhe rilindja e së djathtës. Por rilindjen e së djathtës nuk e kemi ne për detyrë ta bëjmë, të kuptohemi. Ne kemi për detyrë të vazhdojmë të bëjmë rilindjen e Shqipërisë”, tha Rama.
Discussion about this post