Në protestën e 90-të kundër qeverisë dhe klasës politike, një prej qytetarëve të pranishëm në shesh ka drejtuar kritika ndaj ish-kryeministrit Sali Berisha dhe kryeministrit Edi Rama, duke i akuzuar për situatën e vendit.
Qytetari tha se protesta e tij nuk është vetëm kundër qeverisë aktuale, por edhe kundër Berishës, duke e akuzuar atë për vjedhje dhe për emigracionin masiv të shqiptarëve pas viteve ’90.
Më tej, ai kritikoi edhe Edi Ramën, duke e akuzuar për abuzime me pushtetin dhe përfshirje në afera, ndërsa përmendi edhe AKSHI-n.
“Edi Rama, pasi i mori besimin popullit, u ul këmbëkryq dhe vuri hartën e Shqipërisë, duke e përdorur si ta kishte pronën e vet. Edi Rama është një tradhtar i ndryrë. Një tradhtar kombëtar që e ka vjedhur me të gjitha mënyrat Shqipërinë, me AKSHI-n, me të gjithë”, tha ai.
Qytetari kërkoi që institucionet e drejtësisë, konkretisht SPAK, të veprojnë ndaj të dy liderëve politikë.
“SPAK-u nuk e di çfarë bën. SPAK-u duhet të shkojë te Rama, apo Rama në SPAK. Qoftë Sali Berisha, qoftë Edi Rama, duhet t’i jepen drejtësisë një orë e më parë”, deklaroi ai,ndërsa shtoi se “Berisha dhe Rama i kanë ndarë aferat dhe vjedhjet së bashku, kundër shqiptarëve dhe Shqipërisë”.
Discussion about this post