Gjatë konferencës në Bruksel, presidenti Aleksandër Vuçiç është pyetur se pse ishte i pranishëm në samitin në BE kur aty pritej një vendim për Maqedoninë e Veriut dhe Shqipërinë. Vuçiç u shpreh se ai dëshironte që të dëshmonte angazhimin e tij në mbështetje të dy vendeve tona. Ndërkohë ndërhyri dhe kryeministri Edi Rama i cili tha se arsyeja pse erdhën në këtë samit, ishte në respekt të vendeve që janë në situatë të vështirë dhe për t’i mbështetur Ukrainën, Moldavinë dhe Gjeorgjinë.
Vuçiç: Jemi sëbashku. Sot nëse mund të them kështu, besoj që kolegët do bien dakord për këtë. Ishte të paktën sot, një përvojë më pak e këndshme për mua se sa për ta. Doja të dëshmoja angazhimin dhe mbështetjen tonë për Shqipërinë dhe Maqedoninë e Veriut. Ata donin të ndanin të njëjtat fjalë me mua. Ishin të dobishëm për diskutimet. Nuk është një detyrim formal i Serbisë për të qenë mbështetëse për disa çështje. Nuk e kemit ë shkruar në Kushtetutë. Kjo është bërë diçka natyrale që ndodh rregullisht për të qenë në mbështetje të miqve tanë. Do shohim në dimër se kush do jetë i pari që do të mbështesë vendet tuaja. Presim mbi të gjitha ndihmë dhe asistencë nga vendet fqinje.
Rama: Do doja të shtoja diçka. Të tre ne gjendemi këtu sepse kështu do të jetë, mënyra e natyrshme. Ata flasin për Ballkanin gjatë gjithë kohës. Ndonjëherë nuk e kuptojnë se çfarë është Ballkani Perëndimor. Duhet të flasim sa më shumë në një zë. Të jemi të gjithë ne.
Vuçiç: Vetëm një fjali Edi. Mund ta përmbyllësh. Kur the se A-ja është në fillim, është e fundit që ka rëndësi. Kur kemi bërë konferenca për shtyp këtu, kur zhvillonim kishim 3 gazetarë, shihni sot. Shumë prej jush doni të na dëgjoni. Kjo është nga pikëpamja racionale që të shihemi si përfaqësues të Ballkanit Perëndimor. Kjo është arsyeja pse ndihemi mirë.
Rama: Gjithashtu peshuam vendimin e mundshëm për të mosardhur fare. E dinim se çfarë do na priste. Arsyeja pse erdhëm është për të respektuar të gjithë këto vende që janë në situatë të vështirë, për t’i mbështetur ata .Doja t’i mbështetja këto vende. Si BE janë lëmsh. Në fakt është e rëndësishme të themi gjërat e vërteta.
Discussion about this post