Deklarata e kryeministrit Edi Rama dje se do të nisë vettingu dhe për pasurinë e pedagogëve, ka shkaktuar shumë reagime. Konkretisht, në protestën e sotme një prej pedagogëve ka deklaruar se Rama do të gjejë nga ky kontroll “Noc Rrokun”, pra asgjë. Po ashtu profesori tha se nuk pret që patronazhistët të dalin në protestë.
“Noc rrokun ka për të gjet ky kryeministri. Patronazhistët nuk i pres të na dalin në protestë”, tha pedagogu.
Duke bërë thirrje që studentët t’i mbështesin dhe të dalin me ta në protestë, njëri nga pedagogët u shpreh i pashqetësuar nga paralajmërimi i Ramës për hetimin e pasurive pedagogëve.
“Jemi në të drejtën tonë ligjore të vazhdojmë protestat. Kjo është një tallje dhe lëmoshë që ai do të na japë ne. Nuk po kërkojmë dyfishim rroge, është kërkesë për dinjitet. Studentët të mos shqetësohen sepse ka edhe dy javë të tjera që vijon aplikimi për t’u regjistruar. Ditët e leksioneve do të zëvendësohen siç bëmë gjatë pandemisë. Te mjekësia mbase janë edhe të intimiduar nga rektori por këtu tek politekniku bojkoti është total, po ashtu edhe tek universiteti i Arteve”, tha një tjetër pedagog.
Discussion about this post