Në shumë raste artistët kanë edhe poste drejtuese në institucione të rëndësishme në Shqipëri. Mirëpo, duket se ka dhe nga ata që edhe pse të rrallë, nuk i pëlqejnë aspak propozime të tilla.
Rasti më i fundit është artisti Robert Aliaj. Ai zbuloi se e ka marrë më herët një propozim nga kryeministri Edi Rama, por e ka refuzuar.
Edhe pse nuk e tha konkretisht se cili ishte institucioni që iu ofrua, Aliaj u shpreh se nuk është mirë që një artist të bëhet drejtor.
“Mua më është propozuar një pozicion për drejtues institucional por kam refuzuar. Më kanë propozuar njerëz që kam bindje të përbashkëta me ta.
Mund të jetë dhe Rama. Një artist është shumë i fokusuar te jeta e vet. Nuk është mirë që një artist të bëhet drejtor”, u shpreh ai.
Discussion about this post