Kryeministri Edi Rama pritet të mbledhë ditën e sotme, në orën 12:00, drejtuesit politikë të Partisë Socialiste në Vilën e Kuqe, në Sauk. Burimet bëjnë me dije se në fokus të takimit pritet të jenë dy dokumentet e prezantuara më herët nga Rama te drejtuesit socialistë, “Besa” dhe “Prania Besnike”.
Sipas kryeministrit, këto dokumente lidhen me organizimin dhe punët e brendshme të Partisë Socialiste. Kjo do të jetë mbledhja e tretë e zhvilluar në Vilën e Kuqe brenda një periudhe të shkurtër. Takimi i parë u zhvillua më 28 gusht, ndërsa i dyti më 2 shtator.
Pritet që gjatë mbledhjes të diskutohen çështje që lidhen me funksionimin e strukturave të partisë dhe angazhimin e drejtuesve politikë.
Kujtojmë që Rama ka zhvilluar disa takime me drejtuesit politikë të PS-së dhe kabinetin, teksa qytetarët vazhdojnë prej tre muajsh të protestojnë në shesh kundër qeverisë së tij.
Discussion about this post