Kreu i Partisë Demokratike, Sali Berisha, në protestën para Kryeministrisë deklaroi se kryeministrin Edi Rama “e ka mbushur kupën” dhe se tashmë që “është kapur vjedhës i dhjetëra milionave, përpiqet me çdo kush të mbrojë vjedhjet e tij, ministrave të tij.”
Berisha: Edi Rama vjen në këtë dhjetor si hajdr8 më i madh i të gjitha kohërave, armik i egër i çështjes kombëtare dhe i interesi kombëtar, por mbi të gjitha vjen armiku më i fortë i të rinjve shqiptarë. Përzuri në 10 vite 70% të të rinjve. Rrënoi shkollat dhe të ardhmen e tyre. Sot të rinjtë kanë si alternativë vetëm largimin nga këtu. Të gjitha këto janë apel të përballemi me këtë të keqe, për familjen, vendin, fëmijët tanë. Ky është borxhi ynë, është detyra jonë. Edi Rama ka mbushur jo kupën, por çdo gjë. Meriton çdo ndëshkim me këto që i ka bërë kombit. Tani që është kapur vjedhës i dhjetëra milionave, përpiqet me çdo kush të mbrojë vjedhjet e tij, ministrave të tij. Është koha e njerëzve që e duan Shqipërinë, me ideale. Iu ftoj të përgatitemi për protestat e fuqishme, me të cilat ne do u rikthejmë shqiptarëve të ardhmen, Shqipërinë, nderin dhe dinjitetin që meritojnë.
gijotina.com/
Discussion about this post