Rama e largon Manjën nga Ministria e Drejtësisë, postin ia ‘rrëmben‘ Lamallari

Kryeministri Edi Rama ka shkarkuar nga detyra e Ministrit të Drejtësisë, Ulsi Manja.

Kreu i qeverisë prezantoi në Asamblenë e PS-së ministrin e ri që do marrë postin e Manjës dhe ai është Besfort Ramallari.

Ndërkohë ish-ministri u rikthye tek Komisioni i Ligjeve.

“Një funksionar shembullor i shtetit në çdo drejtim, profesionist i përkushtuar, drejtues i mençur sa herë i kërkohet që të shkojë të zgjidhë një punë që të tjerët nuk e zgjidhin, Besfort Lamallari do të jetë ministri i ri i Drejtësisë”, tha Rama.

Kryeministri shtoi se “pas një pune të mirë, Ulsi Manja do të rimarrë drejtimin e Komisionit Parlamentar për Çështjet Ligjore dhe Administratën Publike”.

“Eksperienca e tij jep siguri në drejtimin e këtij komisioni kyç nga do kalojë i gjithë lumi i rrëmbyer i reformave për Shqipërinë 2030 në BE”, theksoi Rama