Në fjalën e tij që po mban sot për 30-vjetorin e FRESH, kryeministri Edi Rama ka komentuar protestën e 8 janarit. Ai tha se është e pa tolerueshme që selia e një partie politike të kthehet në shesh xhirimi dhe në një episod si reality-show.
Sipas tij, politika duhet të sjellë paq, ndërsa hodhi poshtë akuzat se policia me urdhër nga ai ka qëlluar ndaj protestuesve. “E papranueshme, në 8 janar, as 1 km nga këtu, te oborri i një partie politike që u kthye në shesh-xhirimin e një reality-show, në një godinë partie të kthyer në një kështjellë, të cilën disa vepronin për ta marrë, e disa për ta mbrojtur. Sot dua të ndaj me ju bindjen time se pavarësisht problematikës që është reale, që I fryn erërave kundër politikës, dhe përtej breshërisë së LIKE-ve dhe klikimeve nga një bombardim non-stop me lajme, me komente, me denoncime, që hidhen si ato malet e rrobave të gabit, që të zë koka nga rrëmuja, politika mbetet e patjetërsueshme dhe e pazëvendësueshme për bashkëjetesën mes njerëzve, për paqen dhe për sigurinë”, u shpreh ai.
Kujtojmë se Basha dhe Berisha akuzonin njeri-tjetrin për pakt me Ramën për të kthyer në “luftë” protestën e 8 janarit.
Discussion about this post