Kryeministri Edi Rama ka pranuar për herë të parë që çmimi i naftës në vend është i lartë pasi kemi disa taksa ekstra. Rama tha një konferencë me furnizuesit e naftës se, Shqipëria ka disa taksa ekstra që të tjerë s’i kanë, duke e bërë çmimin e naftës më të lartin në rajon dhe ndër më të lartët në Evropë.
“Është e vërtetë që kemi tek struktura e çmimit të naftës një ngarkesë ekstra, që të tjerët nuk e kanë prandaj çmimi është më i lartë. Por të tjerët nuk kanë 0 TVSH për biznesin e vogël, nuk i kanë kaq të ulëta taksat mbi pagat që janë simbolike, deri në 1 mln lekë të vjetra, nuk i kanë kontributet më të ulëtat në rajon. Kanë të ardhura nga ngarkesa fiskale mbi individin dhe biznesin e vogël. Të tjerët nuk paguajnë 45 mln dollarë për të kompensuar faturën e energjisë të familjeve në nevojë dhe të pensionistëve. Këtu si në të gjithë fillin e arsyetimit tonë qeverisës, kush ka më shumë mundësi do të mbajë më shumë barrë”, tha Rama.
Më herët, Rama tha se qeveria do të miratojë një Akt-Normativ për përballimin e krizës energjetike dhe rritjen e çmimeve të naftës apo produkteve të tjera, duke përcaktuar që nesër kuadrin e detyrimeve dhe të drejtave të kufizuara të furnizuesve të karburantit.
Discussion about this post