Ndërkohë që kryeministri jonë vazhdon ta përkrah dhe të bashkëpunojë me të, presidenti i Serbisë Aleksandër Vuçiç “godet” Kosovën. Ditën e sotme ai ka bërë një deklaratë të fortë, duke thënë se Serbia nuk do ta njohë kurrë Kosovën si shtet, pavarësisht kostove që do i duhet të paguaj.
Një konferencë për mediat ai tha se Aleksandër Vuçiç tha se qytetarët serbë që jetojnë në Kosovë do të votojnë në zgjedhjet presidenciale dhe parlamentare që do të mbahen më 3 prill. Pas mbledhjes së Këshillit të Sigurisë Kombëtare dhe konsultimit me ambasadorët e vendeve të QUINT-it, ai tha se kushti që vendosi Prishtina për hapjen e vendvotimeve në territorin e Kosovës ishte njohja e pavarësisë. Vuçiç nuk e pranon këtë, ndërsa u shpreh se Serbia nuk do e njohë pavarësinë e Kosovës për asnjë çmim.
“Serbia nuk ka mundur ta pranojë këtë dhe Serbia nuk do ta pranojë, pavarësisht çmimit. Asnjë votë dhe pushteti i askujt nuk është aq i rëndësishëm sa shteti është i rëndësishëm për ne. Prandaj nuk u pajtuam me këtë”, ka thënë Vuçiç.
Kujtojmë se pavarësisht kundërshtimit të Kosovës dhe paralajmërimeve të shumta, Edi Rama vazhdoi nismën “Open Balkan” me Serbinë, të cilën të gjithë e komentojnë si një vegël të Vuçiç kundër Kosovës.
Discussion about this post