Në një intervistë mediat, Presidenti Ilir Meta ka deklaruar se kryedemokrati Lulzim Basha do të përpiqet të gjejë justifikime për humbjet dhe dështimet e tij. Meta tha se do të kontribuojë në fuqizimin e opozitës. Në lidhje me kryeministrin Rama, Meta tha se ai edhe në gjumë do të mendojë të përçaj apo të bëjë ndonjë intrigë.
“Lidhur me drejtuesit e vulës ato do të përpiqen që të gjejnë justifikime për dështimet e tyre, do shpikin armiq dhe humbjen ta paraqesin si fitore. Meta do të kontribuojë fuqizimin e opozitës, një opozitë të vërtetë, demokratike dhe patriotike dhe kjo do të sjellë edhe një qeveri. Vota ka pasur me tepricë, dhe s’duhet të shesë. Rama edhe në gjumë do të mendojë të bëjë një intrigë, të përçajë dikë, të korruptojë dikë, do të jetë gjithnjë në aksion, është në të drejtën e tij, na pëlqen ose jo, por është fakt se nuk ka pasur asnjëherë një kundërshtar serioz dhe ndeshja ka qenë e trukuar dhe rezultati ka qenë i ditur dhe i paracaktuar prandaj ka pasur atë arrogancë” – tha Meta.
Discussion about this post