Analisti Baton Haxhiu tha mbrëmjen e sotme në emisionin “Opinion” se emërimi i Blendi Gonxhes si ministër të Ekonomisë, Inovacionit dhe Kulturës, ndoshta është një test për të.
Haxhiu aludoi se ndoshta Blendi Gonxhe mund të jetë në një provë për t’u kandiduar për Bashkinë e Tiranës në zgjedhjet e ardhshme.
“Mendoj se është një test, një provë për të. Ndoshta është piketuar si një kandidat i mundshëm për Bashkinë e Tiranës, pasi Arbjan Maznikun nuk e shoh si një profil për Bashkinë, por si një teknokrat, një njeri që punon me institucionin”, tha Haxhiu.
Tezën për të ardhmen e Gonxhes në politikë, bazuar në promovimin që I bëri Rama duke i besuar një prej ministrive më të mëdha, e hodhi në emision Armand Shkullaku.
Discussion about this post