Kryeministri Edi Rama në mbledhjen e qeverisë ka caktuar emrat që do të jenë pjesë e Bordit Mbykqyrës të Agjensisë për Mbështetjen e Shoqërisë Civile. Ajo që bie në sy është se Rama ka vendosur që anëtarë të Bordit Mbikqyrës të jenë mbështetësit e tij, si Iris Luarasi, e cila e mbron në çdo studio televizive. Një tjetër anëtare e Bordit është dhe Vasilika Hysa, e cila nuk kandidoi për deputete në zgjedhjet e 25 prillit por tashmë është rikthyer me një detyrë të rëndësishme. Anëtarët e tjerë të këtij bordi janë Bashkim Muça, Laert Kola dhe Ylljet Aliçka.
Vendimi
Në mbështetje të nenit 100 të Kushtetutës dhe të nenit 8, të ligjit nr.10093, datë 9.3.2009, “Për organizimin dhe funksionimin e Agjencisë për Mbështetjen e Shoqërisë Civile”, me propozimin e Kryeministrit, Këshilli i Ministrave
V E N D O S I:
Emërimin në detyrë të disa anëtarëve të bordit mbikëqyrës të Agjencisë për Mbështetjen e Shoqërisë Civile, përfaqësues nga organizatat e shoqërisë civile, si më poshtë vijon:
– Z. Bashkim Muça;
– Znj. Iris Luarasi;
– Z. Leart Kola;
– Z. Ylljet Aliçka;
– Znj. Vasilika Hysi.
Ky vendim hyn në fuqi menjëherë dhe botohet në “Fletoren zyrtare”.
Discussion about this post