Drejtoresha e Institutit të Shëndetit Publik Albana Fico tashmë është emëruar në krye të QSUT-së. Lajmin e bën të ditur ministrja e Shëndetësisë Ogerta Manastirliu përmes një postimi në rrjetet sociale. Ky emërim i Ficos në krye të QSUT-së vjen pas zgjedhjes së Enkelejd Jotit në krye të Radio Televizionit Publik Shqiptar.
“Prof. Albana Fico emërohet në drejtimin e QSUT-së, për të çuar përpara projektet e mëdha të modernizimit të qendrës më të madhe spitalore në vend. Faleminderit Enkelejdi Jotit për punën në këto vite jo të lehta. Nuk dihet ende se kush do të emërohet në krye të ISHP-së me këtë lëvizje të Ficos drejt Qendrës Spitalore Universitare Nënë Tereza”– shkruan Ogerta Manastirliu.
Po kush është Albana Fico dhe pse Kryeministri Rama i besoi këtë post të rëndësishëm?
Kush nuk e njeh mjafton të bëjë një kërkim të thjeshtë. Albana Fico është motra e Delina Ficos, gruas së Blendi Çuçit, ministrit aktual të Brendshëm. Një mburojë e saj është ministri Çuçi. Por, një tjetër mburojë është vetë kryeministri Edi Rama. Pse?
Kujtojmë që Delina Fico, motra e Albana Ficos, është ish-e dashura e Kryeministrit Edi Rama. Albana Fico ka mbajtur një profil të lartë publik në dy vitet e fundit, pas shfaqjes së pandemisë, dhe ka qenë pjesë e Komitetit të Ekspertëve për menaxhimin e situatës Covid.
Tashmë asaj i është besuar nga qeveria një post i ri menaxherial, siç është drejtimi i qendrës më të madhe spitalore në vendin tonë.
Discussion about this post