Kryeministri Edi Rama ka folur sot për miqësinë me ish shefin e FBI-së që po hetohet në SHBA për lidhje me ruset. Rama tha se ai vete nuk ka asnjë problem, por është e tmerrshme tha kreu i qeverisë se si bëhen akuzat për njerëzit.
Në një bashkëbisedim me qytetarët, Rama u shpreh se sa kohë qëndron në këtë detyrë, “i kam marrë parasysh, i pres të gjitha”.
Pyetje: Lëri rusët e Lulit, po shih rusët e tu. Do thuash ndonjë llaf për atë ish shefin e FBI mikun tat që po hetohet për lidhje me rusët?
Rama: Po cilët rusë të mitë? Shefi i kundërterrorit i FBI ka qenë dhe është miku im, nuk diskutohet. Nëse ai ka një çështje të tijën me drejtësinë në SHBA kjo është çështja e tij me drejtësinë në SHBA, e lëreni të flasë drejtësia në SHBA, nuk nxirren fajtorët e nuk bëhen akuzat në këtë farë feje se është e tmerrshme. Nuk është e tmerrshme për mua se unë s’kam asnjë problem e për sa kohë vijoj qëndroj në këtë detyre e kam marrë parasysh e pres shumë më tepër se kaq, i pres të gjitha, por është e tmerrshme për këtë popull, këtë vend. Bëhet fjalë për një çështje që është në SHBA, s’ka asnjë lidhje me mua, me qeverinë shqiptare, s’ka asnjë biznes të çfarëdollojshëm se me këtë teori i bie që ne nuk duhet të takojmë askënd se nesër dikush mund të ketë një problem me drejtësinë në vendin e vet.
Discussion about this post