Socialistët mbledhin sot Asamblenë e Partisë, ku në fokus të mbledhjes me dyer të mbyllura do të jenë jo vetëm zgjedhjet parlamentare 2025, por edhe riorganizimin i strukturave të partisë, i paralajmëruar që në dhjetor të 2023-shit nga kryesocialisti Edi Rama, me synimin që viti zgjedhor t’i gjejë gati.
Në një prononcim për median kryetari i PS-së Edi Rama bëri të qartë se në këtë Asamble nuk do të ketë ndryshime por se ripozicionimi është në funksion të mirës së punës.
“Nuk kemi asnjë plan për të bërë ndryshime. Jemi këtu për të bërë veprime të riorganizimit. Fjala ndëshkim nuk i shkon një partie politike, kemi ripozicionime të reja.”, u shpreh ai.
Rama refuzoi t’i përgjigjet pyetjes së gazetarëve në lidhje me akuzat e bëra nga Arben Ahmetaj se e kanë kërcënuar me jetë.
Pyetje: E keni kërcënuar Ahmetajn?
Rama: PS është në një proces të rëndësishëm dhe ne jemi të vetëdijshëm dhe është e nevojshme hapja e madhe e partisë dhe përfshirja e atyre që duan të kontribuojnë
Discussion about this post