Drejtuesi i Prokurorisë së Posaçme Anti-korrupsion, Arben Kraja, një ditë para protestës së opozitës ka thyer për herë të parë heshtjen për çeshtjen e inceneratorëve. Në një intervistë për RTSH, Kraja shprehet se në lidhje me aferën e inceneratorëve, SPAK ka të hapura hetimet për ministra e deputetë.
“Kemi 20 skuadra me BE përfshirë edhe Francën e MB apo Holandë skeptikë me organet e drejtësisë në vendin tonë.
Ka pasur arrestime dënime e sekuestrime nga bashkëpunimi me autoritetet e huaja. 18 mln e gjysmë euro me Italinë apo pasuri të paluajtshme nga aktiviteti i paligjshëm jashtë.
Krimi i organizuar është shumë i zhvilluar. Shqiptarët po përfshihen në krimin në vendin e origjinës dhe kjo e bën të nevojshme bashkëpunimin.
Proceset në këtë fushë kërkojnë kohë, 3 apo katër vite.
Korrupsioni:Hetimi i zyrtarëve të lartë është sfidë më vete. kemi pasur raste hetimesh apo dënimesh nga vetingu për korrupsion. Kemi pasur hetim e dënim për zyrtarë të larta në prokurimet publike. Drejtoria qendrore e Prokurimeve Publike është shpallur fajtore.
Kemi në hetim edhe në nivel ministrash e deputetësh siç është ajo e inceneratorëve.
Kemi cështje të Gërdecit që është rihapur”, tha ai.
Partia e Lirisë ka paralajmëruar nesër, më datë 13 shtator një protestë para inceneratorit të Tiranës. Ndërkaq pjesëmarrjen në protestë e kanë konfirmuar dhe shumë deputetë të PD-së dhe partive të vogla opozitare.
Discussion about this post