Edhe pse Agjencia e Bregdetit dështoi me menaxhimin e plazheve, duke shkaktuar përplasje, pakënaqësi dhe bilanc tragjik viktimash, me katër te vrarë në Velipojë, kryeministri Rama nuk ndalet, por me vendimet që merr e fuqizon me tepër këtë agjenci.
Kaosi i shkaktuar në prag të sezonit turistik erdhi për shkak të mungesës së verifikimit në terren të hapësirave bregdetare në terren, por edhe për shkak të vonesës në kthimin e përgjigjes ndaj qytetarëve, të cilët kërkon leje në e-albania për të shfrytëzuar këto hapësira. Duke qenë se për një hapësirë kishte disa kërkesa, përgjigjja vonohej dhe inspektimi fizik nuk kryhej ndodhën përplasje dhe konflikte, një prej të cilëve shkaktoi tragjedi me 4 të vrarë në Velipojë.
Të gjitha këto problematika nuk e kanë penguar kryeministrin e vendit Edi Rama, i cili nis procedurat për hartimin e një ligji të ri specifik ku parashikohet fuqizimi i Agjencisë Kombëtare të Bregdetit. Jo vetëm kaq, por ligji parashikon që leje për ndërtime do të jepen vetëm nga investitorë strategjikë, duke lënë hapësirë për favorizime të biznesmenëve pranë qeverisë.
Ky ligj parashikon që të gjitha lejet e marra në vitet e mëparshme të rishikohen dhe nëse konstatohet shkelje, ndërtimet të shemben.
Pakënaqësia për administrimin e bregdetit u vu në dukje nga kryeministri Rama edhe në mbledhjen e fundit të qeverisë, ku kryeministri kritikoi ashpër miniatrin Blendi Klosi.
Megjithatë asgjë nuk e ka ndaluar kryeministrin Rama të veprojë për të plotësuar orekset e klientëve të tij, duke i shtuar kompetencat agjencisë që varet nga qeveria e tij për t’u dhënë leje për ndërtime në zonën bregdetare klientëve preferencialë.
